තවමත් අපේ රටේ දෙවිවරු වගේ කොල්ලෝ ඉන්නවා. සමාජයට ලොකු පාඩමක් ඉගැන්වූ යහළුවන් දෙදෙනා.

අපේ සමාජය ගැන නිතර අසන්නට ලැබෙන්නේ හොඳ දේවල් වලට වඩා , සමාජ විරෝධී, ඉතා අසුභ ආරංචිය. මේ ගැන දිනපතා පුවත් පත්වල, රුපවාහිනියේ සහ සමාජ ජාලා හරහා නිතර අසන්නට ලැබෙනවා.

මෙවැනි දුෂිත සමාජයේ තවමත් දෙවිවරුන් වැනි මිනිසුන් දකින්නට ලැබෙනවා. මේ එවැනි තරුණයන් දෙදෙනෙකු ගැනයි. හැමදාම සමාජයේ දුෂණ, වංචා ගැන ඉහලින් වාර්තා වෙද්දී, මෙවැනි යහපත් මිනිසුන් ගැනත් ඉතා ඕනෑකමින් වාර්තා කරන්නට සිතුවා.

මේ ගැන සම්පුර්න විස්තරය පහතින් නරඹන්න.

 

ලංකාවේ සිගරට් භාවිතය පහලට… ආණ්ඩුවට ලැබෙන අදායම විශාල ලෙස පහලට..

සිගරට් කියන්නේ ශරීර සෞඛ්‍යට ඉතා අහිත කර ද්‍රව්‍යක් බව අමුතුවෙන් කියන්න අවශ්‍ය නැහැ. ඔයා දන්නවා ඇති මීට වසර ගණනාවකට කලින් ලංකාවේ දුම්පානය තිබුණු තත්වය. ප්‍රසිද්ධ ස්ථානවල දුම් පානයට තහනමක් තිබුනේ නැහැ.

විශේෂයෙන් මගී ප්‍රවාහන බස් රථ සහ දුම්රිය තුල පවා දුම් පානය සිදු වුනා. නමුත් ප්‍රසිද්ධ ස්ථානවල දුම් පානය තහනම් කිරීම, දුම්රිය ස්ථානයේ පවා දුම්පානය තහනම් කිරීම සහ විශේෂයෙන් සිගරට් මිල ඉතා ඉහල යාම නිසා සිගරට් පානය කරන පිරිස අඩුවෙලා.

නවතම සන්ක්යාලේඛන අනුව ලංකාවේ දුම් වැටි භාවිතය බොහෝසේ අඩුවෙලා. මේ නිසාම විශාල ගැටලුවකට ලක්වෙලා තියෙන්නේ රජයයි. හේතුව රජයේ අධායමෙන් විශාල කොටසක් වූ සිගරට් නැත වූ බදු මුදල් ලැබීම විශාල ලෙස කඩා වැටිලා. මේ ගැන විශේෂ ප්‍රකාශයක් කරමින් රජය තුල ප්‍රභලයන් අතර මත ගැටුම් ඇතිවන තත්වයකට මෙය දුරදිග ගිහි.  වීඩියෝවෙන් සම්පුර්ණ විස්තරය බලන්නකෝ.

ජගත් ක්‍රිකට් පිටියෙම අවධානය දිනාගනිමින් තිසර කෝටිය ඉක්මවූ මුදලකට මිලදී ගනියි.

තිසර පෙරේරා කියන්නේ ශ්‍රී ලංකා ක්‍රිකට් කණ්ඩායමේ සිටින තුන් ඉරියව්වෙන් දස්කම් දක්වන දක්ෂ ක්‍රීඩකයෙක්. තිසර විශේෂයෙන් වේගයෙන් පන්දුවට පහර දෙන ක්‍රීඩකයෙකු ලෙස ප්‍රසිද්ධයි.

කොහොම වුනත් මේ වන විට ජගත් ක්‍රිකට් ලෝකයේම අවධානය යොමුව තිබෙනවා. ඒ ඔහු රුපියල් කෝටියකට අධික වටිනාකමක් ලැබීමත් සමගයි. ඒ ඇෆ්ගනිස්තානයේදී.සම්පුර්ණ විස්තරය පහතින් නරඹන්න.

ෆෝන් එකෙන් සෙට් වූ පෙම්වතා හමුවෙන්න ගිය පෙම්වතියට මහා කැලයේ ලොරියක් ඇතුලදී කල දේ…

අද සමාජයේ බොහෝ තරුණ තරුණියන් ප්‍රේම සම්බන්ධ පවත්වාගෙන යන්නේ ජංගම දුරකථනය හරහාය. කිසිදාක නොදුටු , ඇසුරු නොකළ, තරුණ තරුණියන් ප්‍රේමවන්තයන් වන්නේ දුරකථනය හරහාය. රස වදන්, පොරොන්දු, බලාපොරොත්තු දහසක් මත අහස්  මාලිගා තනන ඔවුන්ට සියල්ල අහිමිව, රැවටීමට ලක්වන්නට ගත වන්නේ සුළු මොහොතකි.

තමන් විශ්වාස කල ඔහු තිරිසනෙක් ලෙස තමාව විනාශ කර දමන්නේ සියලු විශ්වාසයන් බිඳ දමමිනි. මෙත් ඊට කදිම සිද්ධියකි. පහත වීඩියෝව නරඹන්න. අහිංසක  තරුණියන් දැනුවත් කිරීමට මෙය share කරන්නට අමතක කරන්නට එපා.

එකම දවසේ ඉපිද, එකම දවසේ යුධ හමුදාවට බැදී , එකටම සිටි නිවුන් සොහොයුරන් ලංකාවේ වාර්තාගත වැඩක් කල හැටි

ලංකාවේ සිටින  පුද්ගලයන් විසින් විවිධ වාර්තා තබා තිබෙනවා. නමුත් ආරක්ෂක අංශයේ නිවුන් සහෝදරයන් දෙදෙනෙකු විසින් ලෝක ඉතිහාසයේ පෙර නොවූ විරු වාර්තාවක් තැබුවා. මෙය බිඳහෙළිය හැකිද යන්න ගැටළුවක්.

එක දවසේ ඉපිද, එකටම හමුදා සේවයට බැදී , එකටම සේවයෙයෙදුනු මේ අයියා  මලෝ දෙදෙනා අවසානයේ ලෝක වාර්තාවක් තැබුවා. ඒ ගැන විස්තරය පහත වීඩියෝවෙන් නරඹන්න.

ලොව කෝටිපති ලැයිස්තුවේ ඉහලින්ම සිටින පුද්ගලයෙක් සමාගමේ විධායක සභා පතිකම හැර , ගුරුවෘර්තියට.

ගුරු වෘර්තිය යනු ලොව උතුම්ම වෘර්තිය බවයි පැවසෙන්නේ. ගුරුවරුන් නිසා ලොව කීර්තිමත් පුද්ගලයන් බිහිවී තිබෙනවා. විද්‍යාඥයන්,සංගීතඥයන්,වෛද්‍යවරුන්,ව්‍යාපාරිකයන් ඒ අතර වනවා. ලොව කෝටිපතියන් බිහිවීම පිටුපස ද ගුරුවරුන් සිටී.

නමත් ලොව කීර්තිමත් කෝටිපතියෙකු, ලොව කීර්තිමත් තම සමාගමේ විධායක සභාපතිධුරය අතහැර, ගුරුවෘර්තියට එනවානම් එය ඔබට සිතාගන්නටවත් බැහැ  නේද?

මේ එවැනි අපුරු කතාවක්. විස්තරය පහතින් නරඹන්න.

ගෝඨාභය රාජපක්ෂ මහතාට විශේෂ අධිකරණය මගින්, විශේෂ නියෝගයක්…

ගෝඨාභය රාජපක්ෂ මහතා මේ වන විට රටේ ආන්දෝලනාත්මක චරිතයක් වී සිටිනවා. දේශපාලන උණුසුම මැද්දේ , ගෝඨාභය රාජපක්ෂ මහතාට විරුද්ධව නඩුවක් විශේෂ තිපුද්ගල මහාධිකරණයක් මගින් විභාගවෙමින් පවතිනවා.

මේ විශේෂ අධිකරණය මගින් ගෝඨාභය  රාජපක්ෂ මහතා ඇතුළු පිරිසකට අදාළ වන විශේෂ නියෝගයක් කළා. ඒ ගැන සම්පුර්ණ විස්තරය පහතින්.

ජෝන් අමරතුංග නැවතත් කරලියේ… මෙන්න ලස්සන කෙල්ලෝ වටකරගෙන ජෝන් අමරතුංග දාපු ඩාන්ස් එක.

ජෝන් අමරතුංග කියන්නේ ලංකාවේ දේශපාලඥයන් අතර නිතර කතා බහට ලක්වන චරිතයක්. ඔන්න අයෙත් ජෝන් අමරතුංග ගැන කතා බහට ලක්වන වීඩියෝවක් අන්තර්ජාලයට එකතු වෙලා.සංචාරක සංවර්ධන හා ක්‍රිස්තියානි ආගමික කටයුතු අමාත්‍ය ජෝන් අමරතුංග නර්ථනයේ යෙදෙන වීඩියෝවක් මේ දිනවල සමාජ මාධ්‍ය හරහා හුවමාරු වනවා.

අමාත්‍යවරයා මෙලෙස නර්ථනයේ යෙදෙන්නේ මැලේසියාවේ සංචාරයක් අතරතුරයි.

ගෙදර හිටිය රෝස කැකුළ රෝසා ගීතයට ඔහු ඇතුළු පිරිසක් මෙලෙස නර්ථනයේ යෙදෙනවා.

අදාළ වීඩියෝව පහතින්

ආසියාවේ දැවැන්තයන් පරදා ශ්‍රී ලංකා කෙල්ලන් ආසියානු දැල්පන්දු ශුරතාවය දිනාගත් හැටි.

11 වන ආසියානු දැල් පන්දු ශූරතාවය දිනා ගැනීමට ශ්‍රී ලංකාව සමත් වුනා. ඒ අවසන් මහා තරගයෙදි සත්කාරක සිංගප්පුරු කණ්ඩායම ගෝල 69-50ක් ලෙස පරාජයට පත් කරමින්.

ශී‍්‍ර ලංකාව අවසන් වරට ආසියානු දැල් පන්දු ශූරතාවක් දිනා ගත්තේ 2009 වසරේදීයි. මේ දක්වා පවත්වා ඇති ආසියානු දැල් පන්දු ශූරතා තරගාවලි 11 න් අවස්ථා 9 කදීම ශී‍්‍ර ලංකාව අවසන් මහා තරගයට පිවිසියා.

ශී‍්‍ර ලංකා දැල්පන්දු කී‍්‍රඩිකාවන් ආසියානු දැල්පන්දු ශූරතාවක් දිනා ගත්තේ වසර 9කට පසුවයි. පළමු කාර්තුවේදීම දෙපිලම ආක‍්‍රමණශිලි ලෙස තරගයට අවතීරණ වූ අතර එ් අනුව එම කාර්තුව අවසන් වූයේ 16 ට 16ක් ලෙස සම තත්වයෙන්. දෙවන කාර්තුව 16 ට 10ක් ලෙස ජය ගත්තේ ශී‍්‍ර ලංකාවයි. 3 වන කාර්තුව 18 ට 12ක් ලෙස ජය ගැනීමට ශී‍්‍ර ලංකාව සමත් වුණා. සිව්වන කාර්තුව ශී‍්‍ර ලංකාව ජය ගත්තේ 19 ට 12 ක් ලෙසයි.

ශී‍්‍ර ලංකාව ආසියානු දැල්පන්දු ශූරතාව දිනා ගත් 5 වන අවස්ථාව මෙය වනවා. ජාතික දැල්පන්දු පුුහුණුකාරිනී තිලකා ජිනදාස සිය ධුරය භාර ගැනීමෙන් මාස 7ක් ඇතුළත් ශී‍්‍ර ලංකා කී‍්‍රඩිකාවන් මෙලෙස දක්ෂතා දැක්වීම කැපී පෙනුනා. අවසන් වරට ශී‍්‍ර ලංකාව සහභාගි වූ ආසියානු දැල්පන්දු ශූරතා තරගාවලි 3 දීම ශී‍්‍ර ලංකාවට සිදු වූයේ අනුශූරතාවයෙන් සෑහීමකට පත්වීමටයි.

අවසාන  උද්වේගකර අවසන් අවස්ථාවේ වීඩියෝව පහතින් නරඹන්න.

මගේ තාත්තා මේසන් බාස් කෙනෙක්,අම්මා රබර් කිරි කැපුවේ…චන්ද්‍රසේන හෙට්ටිආරච්චි කීව සංවේදී කතාව.

සංගීතයට දක්ෂයින් බිහි කරන්නට එදා තරුණ සේවා සභාව නොතිබුනා නම් අද චන්ද්‍රසේන හෙට්ටිආරච්චි කියන ගායකයාගේ දක්ෂතාත් නොදකින්න නොඇසෙන්න තිබුණා. අවුරුදු 40 පෙර සංගීතයට අවතීර්ණ වී අදටත් ජනප්‍රිය ගායක ලැයිස්තුවේ ඉන්න චන්ද්‍රසේන ඔහුගේ අතීත මතකයන් මේ විදිහට මතක් කරනවා. මේ ඒ මතක ගැනයි.

ඔබේ ගී ප්‍රසංගය ගැන මුලින්ම කතා කරමු?
මේ ප්‍රසංගය පවත්වන්නේ මගේ කලා ජීවිතයට අවුරුදු 40 ක් සම්පූර්ණ වීම නිමිත්තෙන්. මෙය නම් කර තිබෙන්නේ ‘චන්ද්‍රසේන හෙට්ටිආරච්චිගේ සෙනෙහසේ ගී අසිරිය ‘තවලම’ ගීත සැඳෑව’ ලෙසයි.

මෙලෙස නම් කරන්නට විශේෂ හේතුවක් ඇති?
විශේෂ හේතුවක් තිබෙනවා. මගේ පළමුවෙනි ආරම්භක ගීතය තමයි ‘තවලම’ ගීතය. මාව රසික රසිකයන් හඳුනා ගත්ත පළමු ගීතය

ඈත හමා යන – මඳ සුළඟේ ඔබ
බිඳුවක් නවතින්නේ
කාලය ගෙවිලා යයි සැනකින්
බිඳුවක් නවතින්නේ . . .

මේ ගීතය තමයි මා ගැයූ පළමු ගීතය. මෙයින් කියැවෙන්නේ තවලම් බැඳගෙන බඩු මුට්ටු අරගෙන ගිහින් විකුණා එයින් ජීවත්වන අයගේ දුක්බර ජීවිතය ගැනයි. ඒ ආශ්‍රයෙන් ලියවුණු මේ ගීතය හුඟක් ජනප්‍රිය වුණා. මෙහි පද රචනය කරමින් සංගීතවත් කළේ මගේ ගුරු පියාණන් වන විශාරද ශර්ලි වෛජයන්ත.

ඔබේ ගායන දිවියේ ආරම්භය සිදු වන්නේ ජාතික තරුණ සේවා සභාවෙන්?
මම 1979 යෞවන සම්මාන උලෙළට සම්බන්ධ වෙලා එයින් ජයග්‍රහණය කළා. ඒ ලංකාවේ 1979 වසරේ ඒකල ගායනයෙන් පළමු ස්්ථානයට පත් වෙමින්. ඒ මඟින් ජාතික තරුණ සේවා සභාවේ යොවුන් ගී කණ්ඩායමේ සාමාජිකයකු බවට පත් වුණා.

ඒ සමයේ ඔබත් සමඟ ගී ගැයූ සමකාලීනයන් කවුරුන්ද?
චන්ද්‍රලේඛා පෙරේරා, සෝමසිරි මැදගෙදර, දමයන්ති ගමගේ, තේජා අමරසිරි, ධම්මිකා කරුණාරත්න වගේ අද ප්‍රවීණයන් පිරිසක් එදා මගේ සමකාලීනයන් වුණා.

තරුණ සේවා සභාවේ ගායකයකු ලෙස ගෙවුණු අතීතය?
අවුරුදු හතරක් පමණ මම එහි කටයුතු කළා. පසුව මට ජාතික තරුණ සේවා සභාවට පත්වීමක් ලැබුණා. අදටත් මම එහි සංගීත උපදේශකවරයෙක් ලෙස කටයුතු කරනවා.

ඔබ සංගීතයට කුඩා කළ සිටම ඇලුම් කළ අයෙක්?
ඔව්. පුංචි කාලේ ඉඳලම සංගීතයට ලොකු උණක් තිබුණා. මොකද මම ගොඩක් සංගීතයට ආසයි. මගේ මව්පියන් සංගීත අධ්‍යක්ෂවරු හෝ ගායක ගායිකාවන් නොවෙයි. ඒත් ඔවුන්ට හොඳට ගීත ගයන්න පුළුවන්. ඒ හැකියාව මට නොඅඩුව පිහිටලා තිබුණා. ඒ අය ගීත ගයනවා දැකලා මමත් ගීත ගැයුවා. මගේ ඒ හැකියාවත් සමඟ සංගීත ලෝකය ගැන මට ලොකු හීනයක් තිබුණා.

ඔබේ මවුපියන් ගැන කතා කළොත්?
මගේ මව්පියන් ඉතා දුක් මහන්සියෙන් ජීවිත ගොඩ නඟා ගත්ත අය. අම්මා වැඩ කළේ රබර් වත්තක. ඇය එහි කිරි කපා තමයි අපිව පෝෂණය කළේ. මගේ තාත්තා මේසන් බාස්වරයෙක්. පවුලේ දරුවන් 6 දෙනයි. ගරාගොඩ යටියන්තොට දුප්පත් ගම්මානයේ දුප්පත් පවුලක ඉපදුණු දරුවෙක් විදිහට ඇත්තටම මගේ ජීවිතේ පස්ගෝ රසයම මම විඳ තිබෙනවා.

ඒ කියන්නේ?
ගවයාගෙන් ලැබෙන පස්ගෝරස නෙවෙයි. මට අනුව ජීවිතයේ පස්ගෝරස. දුක, සතුට, ඇඹුළ, තිත්ත, මිහිර වගේ මේ හැමදේම සමබරව මම විඳ තිබෙනවා. ඒ විඳපු අතීතය දෙස බලද්දී මට දැනෙන්නේ හරිම රසවත් බවක්.

චන්ද්‍රසේන හෙට්ටිආරච්චි ගායකයා දැන් රටේම ආදරේ ලබනවා?
කැළණි ගං මිටියාවතේ ගරාගොඩ යටියන්තොට ඉපදලා දුකසේ ජීවිතය ජයගත් මම අද රටේ රසික රසිකාවියන්ගේ ආදරය පිරිවරාගෙන ජීවත් වෙනවා. ලොකු සතුටක් දැනෙනවා.

මේ වන විට ඔබ ගැයූ ගීත?
ගීත හාරසීයකට වඩා ගායනා කර තිබෙනවා. මේ ගීත අතුරින් මගේ ප්‍රසංගය උදෙසා කුමන ගීත තෝරා ගන්නවාද යන්න පිළිබඳ විශාල ගැටළුවක් ඇති වුණා. මොකද ඒ හැම ගීතයකටම වාගේ රසිකයන් දක්වන්නේ අසීමිත ප්‍රතිචාරයක්. ඒ අතරින් ගීත 30 ක් මා තෝරා ගත්තා.

ප්‍රසංගය පවත්වන්නේ කොතැනද?
මේ ප්‍රසංගය පවත්වන්නේ අද 7 වැනිදා සවස 6.30 ට මහරගම තරුණ සේවා සභාවේ යොවුන් රඟහලේදී.

ඔබේ දූ දරුවන් ගැනත් දැනගන්න කැමැතියි?
මගේ දුව මේ වන විට ගායන ලොවට එක් වෙලා. ඇය ලිහිණි හෙට්ටිආරච්චි. පුතා ගයන හෙට්ටිආරච්චි. බිරිය මංගලිකා හෙට්ටිආරච්චි. ඔවුන්ගෙන් ලැබෙන සහයෝගය විශාලයි. ඒ වගේම මගේ ප්‍රසංගයට ජාතික තරුණ සේවා සභාවේ ගරු සභාපති එරන්ද වැලිඅංගගේ සහ සභාවේ සියලු දෙනාගෙන් ලැබෙන සහයෝගය අගය කොට සලකනවා.

හතලිස් වසරක ගායන දිවියේ ඔබට අමතක නොවන අත්දැකීම් ඇති?
මට මතක් වෙන්නේ අපේ පළමුවෙනි ගීත ප්‍රසංගයයි. ජාතික තරුණ සේවා සභාවේ යොවුන් ගී කණ්ඩායමේ පළමු ප්‍රසංගය තිබුණේ කොළඹ ගංගාරාමයේ. අපි හැම දෙනාම එකම වර්ගයේ ඇඳුම් ඇඳගෙන තමයි ප්‍රසංගය පැවැත් වූයේ. පළමු ප්‍රසංගය නිසා විවිධ අඩුපාඩු තිබුණා. ඉතින් එහෙම සිදුවෙන වෙලාවට එය නරඹන්නට පැමිණි රසිකයන් හූ කියනවා. ඉතින් ඒවා ඉවසගෙන අපි අපේ ප්‍රසංගය ඉදිරිපත් කළා මතකයි. මේ වගේ කිහිපයක්ම මතකයේ තිබෙනවා. ඉතින් මේ මොන දේ මිනිසුන්ගෙන් ලැබුණත් අපි කවුරුවත් අධෛර්යමත් වුණේ නැහැ. අදටත් ඕනෑ අභියෝගයකට මුහුණදෙන්න පුළුවන් පන්නරයක් ඒවායින් අපි ලැබුවා.

මේ ගෙවුණු හතලිස් වසර ඔබට ඔබ ගැන හැඟෙන්නේ කුමක්ද?
පුදුමාකාර අභිමානයක් මා ගැන මට දැනෙනවා. මට හරි ආඩම්බරයි. ගුණවර්ධන බාසුන්නැහැගේ පුතා මෙච්චර ලොකු දුරක් අද සංගීත ක්ෂේත්‍රයේ පැමිණ තිබෙනවා. මේ අවුරුදු ගාණ දෙස බලත්දී මට දැනෙන්නේ මං වගේම මගේ මව්පියන් ගැනත් විශාල ගෞරවයක්.

ඔබේ අනාගත බලාපොරොත්තු?
මේ ප්‍රසංගයට පසුව මේ ප්‍රසංගය දිහා බලලා කාට හරි පිහිටක් අවශ්‍ය වුණොත් මෙවැනි ප්‍රසංග පවත්වා ඔවුනට උපකාරයක් කරන්න මම කැමැතියි. මගේ චන්ද්‍රසේන හෙට්ටිආරච්චි සහෘද පදනමෙන් සිදු කරන පුණ්‍ය කටයුතු වෙනුවෙන් ද මෙමඟින් වැදගත් මෙහෙවරක් සිදු වෙනවා. එයින් ලේ දන්දීමේ සායන වගේම ලේ පරීක්ෂා කිරීමේ වෛද්‍ය සායන වැනි පුණ්‍යකර්ම සිදු කෙරෙනවා. මේ මාසේ 19 වැනිදා මහරගම යොවුන් රඟහලේදී මෙවැනි පුණ්‍යකර්මයක් සිදු වෙනවා.

තුෂාරි නේරංජා වික්‍රමසිංහ