ජගත් ක්‍රිකට් පිටියෙම අවධානය දිනාගනිමින් තිසර කෝටිය ඉක්මවූ මුදලකට මිලදී ගනියි.

තිසර පෙරේරා කියන්නේ ශ්‍රී ලංකා ක්‍රිකට් කණ්ඩායමේ සිටින තුන් ඉරියව්වෙන් දස්කම් දක්වන දක්ෂ ක්‍රීඩකයෙක්. තිසර විශේෂයෙන් වේගයෙන් පන්දුවට පහර දෙන ක්‍රීඩකයෙකු ලෙස ප්‍රසිද්ධයි.

කොහොම වුනත් මේ වන විට ජගත් ක්‍රිකට් ලෝකයේම අවධානය යොමුව තිබෙනවා. ඒ ඔහු රුපියල් කෝටියකට අධික වටිනාකමක් ලැබීමත් සමගයි. ඒ ඇෆ්ගනිස්තානයේදී.සම්පුර්ණ විස්තරය පහතින් නරඹන්න.

ආසියාවේ දැවැන්තයන් පරදා ශ්‍රී ලංකා කෙල්ලන් ආසියානු දැල්පන්දු ශුරතාවය දිනාගත් හැටි.

11 වන ආසියානු දැල් පන්දු ශූරතාවය දිනා ගැනීමට ශ්‍රී ලංකාව සමත් වුනා. ඒ අවසන් මහා තරගයෙදි සත්කාරක සිංගප්පුරු කණ්ඩායම ගෝල 69-50ක් ලෙස පරාජයට පත් කරමින්.

ශී‍්‍ර ලංකාව අවසන් වරට ආසියානු දැල් පන්දු ශූරතාවක් දිනා ගත්තේ 2009 වසරේදීයි. මේ දක්වා පවත්වා ඇති ආසියානු දැල් පන්දු ශූරතා තරගාවලි 11 න් අවස්ථා 9 කදීම ශී‍්‍ර ලංකාව අවසන් මහා තරගයට පිවිසියා.

ශී‍්‍ර ලංකා දැල්පන්දු කී‍්‍රඩිකාවන් ආසියානු දැල්පන්දු ශූරතාවක් දිනා ගත්තේ වසර 9කට පසුවයි. පළමු කාර්තුවේදීම දෙපිලම ආක‍්‍රමණශිලි ලෙස තරගයට අවතීරණ වූ අතර එ් අනුව එම කාර්තුව අවසන් වූයේ 16 ට 16ක් ලෙස සම තත්වයෙන්. දෙවන කාර්තුව 16 ට 10ක් ලෙස ජය ගත්තේ ශී‍්‍ර ලංකාවයි. 3 වන කාර්තුව 18 ට 12ක් ලෙස ජය ගැනීමට ශී‍්‍ර ලංකාව සමත් වුණා. සිව්වන කාර්තුව ශී‍්‍ර ලංකාව ජය ගත්තේ 19 ට 12 ක් ලෙසයි.

ශී‍්‍ර ලංකාව ආසියානු දැල්පන්දු ශූරතාව දිනා ගත් 5 වන අවස්ථාව මෙය වනවා. ජාතික දැල්පන්දු පුුහුණුකාරිනී තිලකා ජිනදාස සිය ධුරය භාර ගැනීමෙන් මාස 7ක් ඇතුළත් ශී‍්‍ර ලංකා කී‍්‍රඩිකාවන් මෙලෙස දක්ෂතා දැක්වීම කැපී පෙනුනා. අවසන් වරට ශී‍්‍ර ලංකාව සහභාගි වූ ආසියානු දැල්පන්දු ශූරතා තරගාවලි 3 දීම ශී‍්‍ර ලංකාවට සිදු වූයේ අනුශූරතාවයෙන් සෑහීමකට පත්වීමටයි.

අවසාන  උද්වේගකර අවසන් අවස්ථාවේ වීඩියෝව පහතින් නරඹන්න.

මාලිංග නැවත තරග බිමට ගන්නට සුදුසුකම් පෙන්වන්න කඳුරටට යවයි.

ලසිත් මාලිංග කියන්නේ ලෝකයේ සිටින අග්‍රගණය පන්දු යවන්නෙකු ලෙස ලොවම පිලිගන්නා  කරුණකි. නමුත් මාලිංග සමග ශ්‍රී ලංකා ක්‍රිකට් ආයතනයේ නිලධාරීන් අතර ඇති ගැටළු නිසා මාලිංගට කණ්ඩායමේ ස්ථානය අහිමිවී ඇත.

කෙසේ වෙටත් මාලිංග ශ්‍රී ලංකා ක්‍රිකට් කණ්ඩායමට ඇතුළු කරගැනීමට අවස්තාවක් ලබීමටනම් , මාලිංගට අභියෝගයක් තිබෙනවා. ඒ ගැන විස්තරය පහතින් නරඹන්න.

අර්ජුන රණතුංගට හා අරවින්දද සිල්වාට තරග පාවාදීමේ චෝදනා ! (වීඩියෝ)

ශ‍්‍රී ලංකා ක‍්‍රිකට් ඉතිහාසයේදී මුලින්ම මුදලට තරග පාවා දිමේ චෝදනා එල්ල වූයේ අර්ජුන රණතුග හා අරවින්ද ද සිල්වාට බව ශ‍්‍රී ලංකා ක‍්‍රිකට් ආයතනයේ සභාපති තිලංග සුමතිපාල මහතා පවසයි.

තරග පාවාදීම මසහා ඔවුන් ඩොලර් 15,000ක් ගත් බව ලිඛිතව වාර්තා ඇති බවත් එවෙල් පරීක්‍ෂා කල දඬුවම් නොකලේ යයි ලංකාවේම් ක‍්‍රිකට් ප‍්‍රජාව තමනට බනින බවද ඔහු කියා සිටී.

එම ඩොලර් 15,000ක මුදල ගුප්තා නම් අයෙකුගෙන් ගත් බවත් බුකිකාරයෙකු සමගින් වැඩ කල බවත් ලෝකෙම ප‍්‍රසිද්ද බවත් ඔහු කියා සිටී.

අනුරාධපුරයේදී පැවති උත්සව අවස්ථාවකට සහභාගී වීමෙන් පසු මාධ්‍ය වෙත අදහස් පල කරමින් ඔහු මෙම අදහස් පල කලේය.

මලිංගගෙන් පලිගැනීම නොනවත්වයි. සමු ගැනීමට තරඟයක් වත් නොදෙයි. සංචිතයෙන් කපා දමයි.

ශ්‍රී ලංකාව හා දකුණු අප්‍රිකාව අතර අද (29) සිට ආරම්භ වන තරග පහකින් සමන්විත එක් දින ක්‍රිකට් තරගාවලියට නම් කරන ලද 15 දෙනකුගෙන් සමන්විත ශ්‍රී ලංකා පිලට සුපිරි වේග පන්දු යවන්නා වූ ලසිත් මාලිංග නම් කර නැත.

මෙම තරගාවලියේදී ඔහුට නැවතත් තමන්ගේ දස්කම් දැක්වීමට අවස්ථාවක් ලබා දෙනු ඇතැයි යන්න පිළිබඳව ක්‍රීඩා ලෝලීන් තුළ වූයේ බලවත් විශ්වාසයකි.

එහෙත් දැන් එම විශ්වාසය බිඳ වැටී අවසන්ය. වේග පන්දු යවන්නකු ලෙස මිල කළ නොහැකි සේවයක් ලබාදුන් ලසිත් මාලිංගට ගෞරවාන්විත සමුගැනීමකට හෝ අවස්ථාව නොලැබෙන බව දැන් පැහැදිලිය. එබැවින් ක්‍රීඩාලෝලීන්ට මේ වන විට ඉතිරිව ඇත්තේ ඔහුගේ අතීත දස්කම් ආවර්ජනය කරමින් සතුටුවීම පමණි.

ජාත්‍යන්තර එක් දින තරගයකදී එක් පන්දු වාරයක් තුළ පිට පිට කඩුළු හතරක් දවාගත් පිතිකරුවන්ගේ භීතිකාව බවට පත් වෙමින් ක්‍රිකට් වංශකතාවේ නව පිටුවක් පෙරළු, ලෝක වාර්තා රැසකටම හිමිකම් කියන ගාල්ල මහින්ද විද්‍යාලය ලොවට දායාද කළ සපරමාදු ලසිත් මාලිංග නැතහොත් ආදරණීය මාලි පිළිබඳව මේ වන විට කිසිදු කතාබහක් නැති තරම්ය.

හීයක වේගයකින් පැමිණෙන ඔහුගේ යෝකර් පන්දුවට පිතිකරුවන් බිය වූයේ සිංහයකු දුටු හා පැටවකු ලෙසිනි.

ගුවනේදී පන්දුව දෝලනය කරමින් කඩුල්ල වෙතට යෝකර් පන්දුවක් වශයෙන් පන්දුව යොමු කිරීමේ ඉහළම හැකියාවක් ඇති පන්දු යවන්නකු වූ මාලිංගගේ එම පන්දුව ලෝකය පුරා ප්‍රචලිත වූයේ සිලිංගා පන්දුව ලෙසිනි.

තිස්හතර වන වියේ පසුවන මාලිංග තවමත් පන්දුවෙන් මනාවට දක්ෂතාවන් පෙන්නුම් කරන්නේ ක්‍රිකට් ක්‍රීඩාවේ නියැළෙන තරුණ ක්‍රීඩකයන්ට අභියෝගයක් වෙමිනි.

ඔහු 2017 වසරේදී ජාත්‍යන්තර පිටියේ පන්දු යවන්නන්ගේ ලැයිස්තුවේ තුන්වන ස්ථානයේ පසු වූ අතර ශ්‍රී ලංකා පන්දු යවන්නන් අතර පළමු වැනියා බවට පත්ව සිටියේය.

ඔහුටම ආවේණික වූ විලාසයකින් පන්දු යවන මාලිංග අවසන් වරට කැනඩාවේ මොන්ට්‍රියල් ටයිගර්ස් පිල නියෝජනය කළ කැනඩා සංචාරයේදී ද එම තරගාවලියේ වැඩිම කඩුලුලාභියා බවට පත්ව සිටියේය.

එක්දින ජාත්‍යන්තර තරග 204ක ක්‍රීඩා කර ඇති මාලි ඉනිම් 198 කදී පන්දු 9830ක් යවා ලකුණු 8705 කට කඩුලු 301 ලබා ගන්නට ලසිත් මාලිංග සමත්ව ඇත.

හොඳම පන්දු යැවීම ලකුණු 38 කඩුලු 6ක් වන අතර ඔහුගේ පන්දු යැවීමේ සාමාන්‍ය 28.92 පන්දු වාරයකදී ලකුණු ලබා දීමෙ 5.31 වන අතර කඩුලු පහ බැගින් දවාගත් අවස්ථා හතක් ද ඊට ඇතුළත්ය.

මීට අමතරව විස්සයි විස්ස තරග 68 කදි කඩුලු 90ක්ද ටෙස්ට් තරග 30කදී කඩුලු 101ක්ද දවාගනිමින් අන්තර් ජාතික ගොදුරු 492 කට වගකියන දඩයක්කරුවකු බවට ලසිත් මාලිංග පත්ව සිටියි.

තරගය අවසන් පන්දුව දක්වාම සටන් කිරීමේ හැකියාව ඇති ලසිත් මාලිංග අවසන් පන්දුවේදී තරග බොහොමයකම ප්‍රතිඵල කණපිට හැරවූ ක්‍රීඩකයකි.

බොහෝ ක්‍රීඩකයන්ට එහා ගිය පෞරුෂත්වයක් මෙන්ම කෙලින් තීරණ ගැනීමේ හැකියාවක් ලසිත්ට ඇති බව ප්‍රවීණ ක්‍රීඩකයන් රැසකගේ ‍පොදු මතයකි.

මේ තරම් වූ දක්ෂතා අතර සිටින ලසිත් මාලිංග ඉකුත් වසර එකහමාර තුළදී ක්‍රිකට් ක්‍රීඩාවෙන් අත්කර ඇත්තේ කාගේ වුවමනාවටද යන්න පිළිබඳව ක්‍රිකට් ලෝලීින්ට ඇත්තේ ගැටලුවකි.

විශේෂයෙන්ම ඉකුත් කාලය තුළ ක්‍රියාත්මක වූ ක්‍රිකට් තේරීම් කමිටුව මාලිංගව ජාතික සංචිතයෙන් ඉවත් කරතැබිමට පියවර ගෙන තිබුණේ ඔහු දක්ෂතා අතර සිටියදීමය. මේ නිසා එය කිසියම් පාර්ශ්වයක අවශ්‍යතාව මත සිදුකරන ලද්දක් බවට සැක මතුව ඇත.

ගාල්ල ක්‍රිකට් ක්‍රීඩාපිටිය මෙන්ම ගාල්ල ක්‍රිකට් සමාජය ආශ්‍රිතව තරග පාවාදීමක් සිදුකරන බව ප්‍රථම වතාවට ප්‍රකාශ කර සිටියේ ලසිත් මාලිංග බව නොරහසකි. එහෙත් එම ප්‍රකාශ පිළිබඳව තැකීමක් නොකළ ක්‍රිකට් පරිපාලනයට ‘අල්ජසීරා’ රූපවාහිනි සේවය කදිම පාඩමක් උගන්වමින් තරග පාවා දෙන අයුරු වීඩියෝ දර්ශන ඔස්සේ ලොවටම පෙන්වීය.

වසර කිහිපයකට ඉහතදී ලසිත්ගේ ප්‍රකාශය සොය බැලුවේ නම් මෙම පාවාදීම් හා සම්බන්ධ අදාළ පුද්ගලයින්ට දඬුවම් ලබාදී මෙරට ක්‍රිකට් ක්‍රීඩාව අපකීර්තියට ලක්වීම වළකා ගැනීමට හැකියාවක් තිබිණ.

එහෙත් ක්‍රිකට් බලධාරීන් කළේ ලසිත්ව විවේචනය කිරීම පමණකි.

මෙරට ක්‍රිකට් ක්‍රීඩාව තුළ දැනට සිටින ශ්‍රේෂ්ඨම වේගපන්දු යවන්නා සහ අත්දැකීම් වැඩිපුරම සතුව ඇති ලසිත්, තවමත් කණ්ඩායමට ඇතුළත් නොකරන්නේ මන්දැයි ගැටලුවක් වී තිබේ.

තම සහෝදර ක්‍රීඩකයන්ට හෝ තම කණ්ඩායමේ ක්‍රීඩකයකුට යම් අසාධාරණයක් සිදු වූ විට ඒ වෙනුවෙන් අදාළ පුද්ගලයන් සමග මෙන්ම ක්‍රිකට් පාලකයන් සමග මුහුණට මුහුණ කතා කරන, අසාධාරණය වූ ක්‍රීඩකයාට සාධාරණයක් ඉටු කිරීමට මාලි නිරන්තරයෙන් කටයුතු කරන බව ජාතික ක්‍රීඩකයන් කිහිප දෙනෙක් සඳහන් කරති.

දැනට පැවැත්වෙන දකුණු අප්‍රිකානු එක්දින සංචාරයේ එක් තරගයක් හෝ ක්‍රීඩා කිරීමේ බලා‍පොරොත්තු ඇතිව තමන් සිටින බව ලසිත් මාලිංග පවසයි.

2017 පෙර සිටි තේරීම් කමිටුව මාලිංග ජාතික කණ්ඩායමට නම්කිරීමට පියවර ගත්තද ඉන්පසුව පත් වූ තේරීම් කමිටුව මාලිංග ජාතික පිලෙන් ඉවත් කිරීමට පියවර ගෙන තිබුණේ ඔහුට තමන්ගේ හැකියාවන් පෙන්වීමට අවස්ථාවක් පවා නොදෙමිනි. එම නිසා වර්තමාන තේරීම් කමිටුව කාගේ හෝ අවශ්‍යතාවක් ඉටුකරමින් සිටින බව පැහැදිලිය. මෙම කමිටුව විසින් ලසිත්ගේ ක්‍රීඩා විලාසය ගැන හෝ තරග කිරීමට අවස්ථාව ලබා නොදී ඔහුව ඉවත් කළ බව කියවේ.

ලසිත් මාලිංගට ක්‍රීඩා කිරීමේ අවස්ථාවක් ලබා නොදී ජාතික කණ්ඩායමෙන් ඉවත් කිරීම ගැටලු සහගතය.

පසුව තේරීම් කමිටුව විසින් ලසිත් මාලිංගට අන්තර් සමාජ ක්‍රිකට් තරගාවලියට සහභාගි වන ලෙස පවසා ඇති අතර ලසිත් ඊට එක්වී වැඩිම කඩුලුලාභියා බවට පත්ව සිටියේය.

එහෙත් එකල පැවැති නිදහස් කුසලාන තරගාවලියට ශ්‍රී ලංකා පිල තෝරා ගැනීමේදී පවා මාලිංගගේ දස්කම් සැලකිල්ලට ගන්නට තේරීම් කමිටුව පියවර ගෙන නොතිබිණි. පසුව ලසිත් මාලිංග අයි.පී.එල්. තරගාවලියේදී පුහුණුකරුවකු ලෙස කටයුතු කිරීමට ඉන්දියාවට ගොස් තිබුණේ මෙම තත්ත්වය යටතේය.

එම අවස්ථාවේදී බලධාරීන් ලසිත්ට දෝෂාරෝපණය කරමින් පවසා ඇත්තේ ලංකාවේ පැවැත්වෙන පළාත් ක්‍රිකට් තරගාවලියට සහභාගි වෙන ලෙසය. අන්තර් ක්‍රීඩා සමාජ තරගවලදී දස්කම් පෙන්වූ ලසිත් මාලිංග, කණ්ඩායමට හැරැවීමට අන්තර් පළාත් තරගාවලියේදී දස්කම් පෙන්විය යුතු යයි පැවසීම විහිළුවකි.

මේ කරුණු සියල්ල තුළ කියවෙන්නේ ලසිත්ව ඉවත් කිරීම සඳහා යම් හස්තයක් ක්‍රියාත්මක වන බවයි.
ලෝක ක්‍රිකට් පිටිය උඩුයටිකුරු කළ ලසිත් මාලිංග තවමත් එක්දින පිටියෙන් සමුගෙන නොමැත. ලෝක පූජිත මේ ක්‍රීඩකයා නැවත ක්‍රීඩා කරන තුරු ක්‍රීඩාලෝලීන් පසුවෙන්නේ අපේක්ෂා සහගතවය.

අද ඇරඹෙන එක් දින ක්‍රිකට් තරගාවලියේ තරග පහෙන් එක් තරගයකට හෝ ක්‍රීඩා කිරීමට අවස්ථාව ලබාදෙනු ඇතැයි තමන් බලා‍පොරොත්තු වන බව ලසිත් මාලිංග  පැවසීය.

දක්ෂතා අතර සිටින ලසිත් මාලිංගට නැවතත් ජාතික පිල නියෝජනය කිරීමට එකම එක අවස්ථාවක් හෝ ලබාදෙනු ඇතැයි අපිද බලා සිටිමු.

Image result for lasith malinga

තාත්තෙකුගේ ආදරේ සහ පුතෙකුගේ ආත්මවිශ්වාසයට ලොවක් කඳුළු සැලූ 1992 ඔලිම්පික් තරඟයේ වීඩියෝව.

පීතෘ සෙනෙහස ගොළු යයි කියති. ඒ නිසාම දෝ මාතෘ සෙනෙහසට වඩා පීතෘ සෙනෙහස පිළිබඳව ලියැවුණු කියැවුණු දේ අල්පය. පීතෘ සෙනෙහස පිළිබඳ කතා අල්ප වුවද, ඒ හැම සිත් සසල කරන කතාවන්මය. මෙය පීතෘ සෙනෙහස පිළිබඳව ලියැවුණු මහ දිග කතාවක් නොවේ. එහෙත් සංවේදී කතාවකි. මේ සියල්ල සිදුවීමට ගතවූවේ විනාඩි දෙකකටත් අඩු කාලයකි. එහෙත් මෙම සිදුවීම ඒ මොහොතේම ලොවක් හැඬවීමට තරම් සමත් විය. එක්ලක්ෂ දහතුන් දහසකගේ අත්පොළසන් හඬ මැද, ලොවක සුසුම් මැද, පියෙකු තම පුතුට ඇති සෙනෙහස පෙන්වූ කතාවක් වේ නම්, ඒ මෙයම පමණි.

පිය සෙනෙහස ගැන  හැමෝටම පෙන්න මෙය share කරන්න.

යකෝ ෆුට් බෝල් නෙවෙයි, මේවා රෙස්ලින් වගේ…ෆුට්බෝල් මැච් අතර කෙලගන්න හැටි.

ලොව ජනප්‍රියතම ක්‍රීඩාව කුමක්ද? යන ප්‍රශ්නයට පිළිතුර ඔබ දන්නවා. ඒ තමා පා පන්දු ක්‍රීඩාව. පසුගිය දින නිමාවට පත් පා පන්දු ලෝක කුසලානය ලංකාවේ අපිත් ඉතා උනන්දුවෙන් නැරඹුවා.

පා පන්දු පිටියේදී නිතරම ක්‍රීඩකයන් ඉතා උණුසුම් වචන හුවමාරු කරගැනීම් මෙන්ම, වාදයට පැටලීමත් දැකගන්නට පුළුවන්. එමෙන්ම සමහර අවස්ථාවල මේ ගැටීම් ගුටි බැට තත්ත්ව දක්වා දුර දිග යනවා. එවැනි පා පන්දු පිටියේ ඇති වූ ගුටි බට තත්වයන් කිහිපයක වීදියෝඅක් ඔබ වෙත ගෙන එන්නට සිතුවා.

නමුත් ක්‍රීඩාවේදී මෙලෙස හැසිරීම අනුමත කරන්න බැරි බවත් හොඳින් මතක තියාගන්න.

වවුල් රුධිරය පානය කරමින් දින 10ක් සහරාවේ අතරමං වී සිටි මැරතන් ක්‍රීඩකයා

ලොව පැවැත්වෙන විශාලතම මැරතන් ධාවන තරඟ අතරින් සහරා කාන්තාරය හරහා පැවැත්වෙන දින හයක් පුරා කිලෝමීටර් 251ක දුර ප්‍රමාණයක් ආවරණය කෙරෙන Marathon des sables පිළිබඳව ඔබ අසා තිබෙනවාද? 1984 වසරේ සිට වසරක් පුරා මෙම තරඟය පැවැත්වෙනවා.

අද ලිපියෙන් අපි ඔබ වෙත ගෙන එන්නට බලාපොරොත්තු වන්නේ 1994 වසරේදී පැවැත්වුණු Marathon des sables තරඟයේදී මවුරෝ ප්‍රොස්‌පෙරී (Mauro prosperi) නම් ක්‍රීඩකයාට මුහුණ දීමට සිදු වූ බියකරු සිදුවීමක් පිළිබඳවයි. මැරතන් තරඟයට සහභාගී වූ ඔහු සහරා කාන්තාරයේ අතරමංව තම මුත්‍රා හා වවුලන්ගේ රුධිරය පානය කරමින් දින 10ක් තිස්සේ තම ජීවිතය රැකගත් ආකාරය පිළිබඳව මෙම ලිපියේදී විස්තර කෙරෙනවා.

1984 වසරේදී සහරා කාන්තාරය හරහා මැරතන් ධාවන තරඟයක් ලෙස මුල් වරට Marathon des sables තරඟය ආරම්භ කරන නමුත් පළමු නිල​ මැරතන් තරඟය ලෙස හදුන්වන්නේ 1986 වසරේදී පවත්වන ලද තරඟයයි. තරඟකරුවන් 23 දෙනෙකු මෙයට සහභාගී වූ අතර පිරිමි හා කාන්තා යන අංශ දෙකෙන්ම ජයග්‍රහණය ලබන්නේ ප්‍රංශ ජාතික ක්‍රීඩකයෙක් හා ක්‍රීඩිකාවක්. 2009 වසරේ තරඟය සඳහා තරඟකරුවන් 1000කට අධික සංඛ්‍යාවක් සහභාගී වූ අතර මේ සඳහා මැරතන් සංගමයක් පිහිටුවන්නෙත් 2009 වසරේදීයි.

වසරක් පාසා පැවැත්වෙන මෙම තරඟයේ මූලික අරමුණ වන්නේ මොරොක්කෝවේ වෙසෙන දරුවන්ගේ සෞඛ්‍යය​, අධ්‍යාපනය හා ජීවන තත්වය නගා සිටුවීමේ ව්‍යාපෘති සඳහා මුදල් ආධාර රැස් කිරීමයි. වර්තමානය වන විට තරඟය එක් වසරකදී අදියර දෙකකින් ක්‍රියාත්මක වෙනවා.

ක්‍රීඩා දිවියෙන් සමුගෙන සිටි මවුරෝ නැවතත් මැරතන් බිමට
මවුරෝ ප්‍රොස්පෙරී කියන්නේ ඉතාලි ජාතිකයෙක්. ඒ වගේම ඔහු හොඳ​ මැරතන් ධාවන ක්‍රීඩකයෙක්. 1955 වසරේ මෙලොව එළිය දකින මවුරෝ වයස අවුරුදු 39 වන විට මැරතන් ධාවන තරඟ වලින් සමුගෙනයි සිටින්නේ. නමුත් 1994 වසරේදී සහරා කාන්තාරය හරහා පැවැත්වෙන මැරතන් තරඟය පිළිබඳව විස්තර දැන ගන්නා මවුරෝ එයට ඉදිරිපත් වීම සඳහා කටයුතු කරනවා. එයට මූලිකම හේතුව වන්නේ අභියෝගාත්මක මෙන්ම ත්‍රාසජනක මැරතන් ධාවන තරඟයන්ට ඔහු දැක්වූ අධික ආශාවයි.

සහරා කාන්තාරය හරහා දින හයක් තිස්සේ ක්‍රියාත්මක වන මෙම මැරතන් තරඟයේදී තරඟය අවසාන කිරීමට හැකියාව ලැබෙන්නේ ඉතා සීමිත තරඟකරුවන් ගණනකට පමණක් බවත් බොහෝ තරඟකරුවන් කාන්තාරයේ නොයෙකුත් උපද්‍රවයන්ට මුහුණ දී තම ජීවිතයෙන් පවා වන්දි ගෙවූ බව දැන දැනම තමන් මේ සඳහා ගිවිසුම් අත්සන් කළ බවත් ඔහු පසුව සදහන් කරනවා.

තරඟයට සහභාගී වීමේදී ඔහුගේ බිරිඳගේ බලවත් විරෝධය එල්ල වෙනවා. මේ වනවිට ඔවුන්ගේ දරුවන් තිදෙනාම වයස අවුරුදු අටට වඩා කුඩා දරුවන් වූ අතර තරඟය අතරතුර ඔහුට කිසියම් උපද්‍රවයක් සිදු වුවහොත් දරුවන් තිදෙනාගේ අනාගතයට එය දැඩි බලපෑමක් එල්ල කරනු ඇතැයි ඇය විසින් ප්‍රකාශ කරනවා.

නමුත් ඒ සියළු අභියෝගයන්ට අභියෝග කරමින් පුහුණුවීම් ආරම්භ කරන මවුරෝ දිනකට කිලෝමීටර් 40ක දුරක් දිවයනවා. ඒ ජලය ඉතා ස්වල්පයක් පමණක් පානය කරමින්. කාන්තාරයේ මැරතන් තරඟය සඳහා සුදානම් වීම උදෙසා, ඔහු ජලය පානය කරන්නේ ශරීරය විජලනය වීම වළක්වා ගැනීම සඳහා පමණයි. පුහුණුවීම් වලින් අනතුරුව ඔහු 1994 වසරේ අප්‍රේල් මාසයේදී මැරතන් තරඟයට සහභාගී වීම සඳහා මොරෝක්කෝවට පැමිණෙනවා.

වර්තමානය වන විට මෙම තරඟය සඳහා දහසකට අධික තරඟකරුවන් ප්‍රමාණයක් සහභාගී වූවත් 1994 වසරේ දී Marathon des sables සඳහා සහභාගී වන්නේ තරඟකරුවන් 80 දෙනෙක් පමණයි. තරඟය පැවැත්වීමට සුදානම් කල දින වකවානුව වූයේ අප්‍රේල් මාසයේ 11 වනදා සිට 16 වනදා දක්වායි.

එක තරඟකරුවෙකුට දිනකට තම ආහාර සලාකයට වතුර ලීටර් 2ක් අන්තර්ගත වූ අතර එය රැගෙන තරඟය සඳහා සහභාගී වීමට සියළු දෙනාට සිදුවෙනවා. හතරවන දිනය ආරම්භ වනවිට සියළු තරඟකරුවන් කාන්තාරයේ අධික සූර්ය රශ්මිය හා කටුකත්වය හේතුවෙන් ඉතාමත්ම අපහසුතාවයෙන් යුතුවයි තරඟයට සහභාගී වන්නේ. තරඟයේ හතරවන දිනය එනම් 1994 වසරේ අප්‍රේල් මස 14 වන දින උදයේ තරඟය ආරම්භ වනවිට මවුරෝ පසුවන්නේ හතරවන ස්ථානයෙයි.
අප්‍රේල් මාසයේ 14 වනදින තරඟයේ හතරවන දින වූ අතර උදය වරුවේ කාන්තාරයේ උෂ්ණත්වය ෆැරන්හයිට් 115ක්ද, අනෙකුත් කාලගුණ තත්වයන් සාමාන්‍ය වූ බවත් මවුරෝ විසින් සදහන් කරනවා.

දහවල් 1 පසු වූ පසු කාන්තාරයේ තත්වය යම්තාක් දුරට අයහපත් වූ අතර වැලි කුණාටුවක පෙර නිමිති පහළ වෙනවා. අධික සුළඟ සමඟ වැලිකඳු කඩාගෙන වැටුණු අතර බොහොමයක් ක්‍රීඩකයන්ට තරඟය නවත්වන ලෙස දැනුම් දීමට සංවිධායක මණ්ඩලයට හැකිවෙන නමුත් මවුරෝ ඇතුළු කිහිපදෙනෙක් මේ පිළිබඳව නොදැන දිගටම තරඟයේ යෙදෙනවා.

එකවරම ආ වැලි කුණාටුවක් හේතුවෙන් බිම දිගාවෙන මවුරෝ අධික වේගයෙන් හමායන වැලි කුණාටුවට මුහුණ දෙන අතර මුළු රාත්‍රිය පුරාවටම බිම දිගා වී නොනිදා රැය පහන් කරනවා.

පසුවදා අවදි වීමත් සමඟ වැලි කුණාටුව හේතුවෙන් මැරතන් තරඟයේ ගමන් මාර්ගය සම්පුර්ණයෙන්ම වෙනස් වී ඇති බව දකින මවුරෝ මේ හේතුවෙන් තමන් සතු මාලිමාවෙන් හා සිතියමෙන් ප්‍රයෝජනයක් ගත නොහැකි බව අවබෝධ කරගන්නවා.

අතරමංව පළමු දිනයේ තමන් එක දිශාවකට වේගයෙන් දිව ගියත් නියමිත දිශාවක් නොදැන දිව යාම නිෂ්ඵල කරුණක් බව අවබෝධ කරගන්නා මවුරෝ අසළ වැලි කන්දකට නැග උදවු ලබාගත හැකි පිරිසක් සොයා ගැනීමට වෙහෙසෙනවා.

නමුත් ඒ උත්සාහය අසාර්ථක වෙන අතර දෙවන දිනය වන විට ඔහු සතු වතුර ප්‍රමාණය අවසන් වනවා. වතුර අවසන් වීමෙන් පසුව විජලනය වී මරණයට පත් වීමට සිදුවන බව දැනගන්නා මවුරෝ ඒ සඳහා තම මූත්‍රා එකතු කර පානය කිරීම සඳහා තීරණය කරනවා. මරණයට පත් නොවී කෙසේ හෝ මෙම අවස්ථාවෙන් ගැලවීමට තමන්ට අවශ්‍ය බව සිතූ තමන්, උදාවෙන ඕනෑම තත්වයකට නොබියව මුහුණ දීමට තරම් මානසිකව ශක්තිමත්ව කටයුතු කළ බව මවුරෝ විසින් පසුව සදහන් කරනවා.

අතරමංව තෙවන දිනය වන විට සංවිධායකයන් විසින් මවුරෝ සෙවීම සඳහා හෙලිකොප්ටර් යානා යොදාගෙන පිරික්සුම් කටයුතු වල නිරත වුවත් එය සාර්ථක වන්නේ නෑ. මේ අතරතුර මවුරෝ විසින් කාන්තාරයේ ඇති අත්හැර දැමූ පැරණි ගොඩනැගිල්ලක් සොයාගන්නා අතර ඒ තුළ රැදී සිටි කාන්තාර වවුලන් කිහිපදෙනෙක් අල්ලාගෙන තම කුඩා පිහිය ආධාරයෙන් ඔවුන්ගේ ගෙලි සිදුරුකර රුධිරය උරා බී පිපාසය හා අධික කුසගින්න නිවාගනු ලබනවා. තවද ඔහු සතුව ඉතාම ස්වල්ප ප්‍රමාණයක ක්ෂණික අහාර තිබූ අතර ඒවා මුත්‍රා ආධාරයෙන් තම්බාගෙන ආහාරයට ගන්නවා.

අතරමන්ව දින පහකට ආසන්න වන විට ගුවන් යානා දෙකක් අවස්ථා දෙකකදී ඔහුට දකින්නට හැකි වූ නමුත් එම එක යානයක්වත් මවුරෝව දකිනු ලබන්නේ නෑ. මේ අතරවාරයේ ඔහුට තවත් වැලි කුණාටුවකටද මුහුණ දීමට සිදු වෙනවා.

අටවන දිනය වන විට එක දිශාවක් බලා ඉතා අපහසුවෙන් ගමන් කළ ඔහු මගදී හමුවන කාන්තාර සර්පයන් ඇතුළු උරගයන් කිහිපදෙනෙකු තම ආහාරයට ගන්නවා. අටවන දිනයේදී ඔටුවන්ගේ පා සලකුණු කිහිපයක් දකින ඔහු ඒ ඔස්සේ ගමන් කරන්න තීරණය කරනවා.
ඔටු පා සලකුණු ඔස්සේ දින 3ක් පමණ ඇවිද ගිය ඔහු අතරමන්ව දින 10කින් පසුව කාන්තාරයේ වාසය කළ ගෝත්‍රික කණ්ඩායමකගේ කුඩාරම් කිහිපයක් වෙත සමීප වීමට හැකියාව ලැබෙනවා.

ඒ වන විට ඔහු දින 10ක් පුරා කිලෝමීටර් 290කට වඩා දුරක් පයින් ඇවිද ගොස් තිබුණු අතර බර කිලෝග්‍රෑම් 16කින් අඩු වී තිබුණා. දින කිහිපයක් රෝහල්ගතව ප්‍රතිකාර ලබන මවුරෝගේ ශාරීරික හා මානසික සෞඛ්‍යය​ ක්‍රමක් ක්‍රමයෙන් යහපත් අතට හැරෙනවා.

මවුරෝ ප්‍රොස්පෙරි මෙම සිද්ධියෙන් අධෛර්යයට පත් වූයේ නැහැ. ඔහු නැවතත් කිහිප විටක් ම Marathon des sables තරඟයට සහභාගී වී 2001 දී 12 වන ස්ථානයටත් පත් වනවා.

හැමදාම කෑවේ පානුයි වතුර දාපු කිරියි..අම්මා අඬනකොට මම හිතාගත්තා කලයුතු දේ…

Romelu Lukaku කියන්නේ ප්‍රබල බෙල්ජියන් පා පන්දු කණ්ඩායමේ ඉදිරිපෙළ සුපිරි ප්‍රහාර#කයය. මේ වන විට 2018 FIFA තරඟාවලියේ ජයග්‍රහණය අසලටම පැමිණ සිටින ඔවුන් මෙවර ලෝක කුසලානය දිනාගනු ඇති බවට ලොවපුරා මත පල වනවා.
කෙසේවෙතත් Romelu Lukaku ගැන අද අපි ඔබ වෙත ගෙන එන මේ වීඩියෝවෙන් ඔබගේ ජීවිතයට ගත හැකි දේ සුළු පටු නොවේ. ධරිද්‍රතාවේ පතුලින් උපන් lukaku පාන් කැබැල්ලක් සහ කිරි වීදිරුවකින් ළමා කාලය ගත කල බවත්, පවතී ධරිද්රතාව විඳීමට බැරි තැන වයස අවුරුදු 6 සිට ඔහු සිහින මැව්වේ බෙල්ජියමේ බිහිවන හොඳම පා පන්දු ක්‍රීඩකයා වීමටය.
ඒ කතාව මුල සිට වීඩියෝවෙන් නරඹන්න.

ලොවටම පාඩමක් උගන්වන, ලොව ශක්තිවන්තම Family එක මෙන්න.

 

සමාජයේ කුඩාම ඒකකය ලෙස සලකන්නේ කුටුම්භය නොහොත් පවුලයි. මේ පවුල එකිනෙකට වෙනස්. අද සමාජයේ පවුල කියන එක විසිරිලා ගිහින්. එකිනෙකා තනි තනිවම ජීවත්වන තැනට පත්වෙලා. පියා දුව දුෂණය කරන තැන සිට, පුතා තාත්තා මරණ තැනට පත් වෙලා.

මේ අතර අපට අපුරු වීඩියෝවක් හමුවුනා. ඒ ලොව ශක්තිසම්පන්නම පවුල ගැනයි. මේ පවුලෙන් අද සමාජයට හිතන්න ගොඩාක් දේ තියෙනවා. ශරීර ශක්තිය ගැන වීඩියෝවේ තිබුනත්, ඔවුන් හැම අතින්ම අනිත් අයට වඩා ශක්තිවන්තයි කියල හිතෙන්නේ. තවත් කෙනෙකුට බලන්න share කරන්න වටිනවා නේද?